శివ దండకం – శ్రీకంఠ లోకేశ

ఆ మాట అర్జునుడు ఎప్పుడు అంటాడు అని పరమశివుడు ఎదురుచూస్తున్నాడు. వెంటనే శివుడు, అర్జునుడు ఒకరి పైన మరొకరు బాణములు ప్రయోగించుకుంటారు మరియు ద్వంద్వ యుద్ధం కూడా జరుగుతుంది.

అర్జునుడు యొక్క యుద్ద ప్రతిభ మరియు పరాక్రమములు చూసి శివుడు ఆహా ! ఎంతటి మొనగాడివి నువ్వు, ఎంత పౌరుషం నీకు అని యుద్దమును ఆపివేసి శివుడు అర్థనారీశ్వర స్వరూపంతో పార్వతీ పరమేశ్వరులు ఎదురుగుండా ప్రత్యక్షం అవుతారు.  వెంటనే గబగబా అర్జునుడు ఈశ్వరుడి పాదముల మీద పడిపోతాడు. స్వామీ! ఇంత దయ నామీద! నాచేతి దెబ్బలు తిన్నావా! నాతో మల్లయుద్ధం చేశావా తండ్రీ! అని శంకరుని పలువిధముల స్తోత్రం చేసి ఆయన పాదముల మీద పడిపోయాడు.

పరమేశ్వరుడు అర్జునుని చూసి అర్జునా! నన్ను కొట్టానని ఎందుకు బాధ పడతావు? అలా అనుకోవద్దు. దీనిని నీవు నాకు చేసిన పూజగా నేను స్వీకరించాను. నీకేమి కావాలో వరం అడుగు ఇస్తాను అని అన్నాడు. అర్జునుడు శంకరుని ఏమి అడగాలో మర్చిపోయి ఏడుస్తూ ఈశ్వరా! నీవు కంటి ఎదుట కనపడుతున్నావు, తండ్రివయిన నీతో అజ్ఞానినై బాణములు వేసాను యుద్దం చేశాను, నేను కాని పనులు చేస్తే వాటిని పూజ అన్నావా తండ్రీ! నీ కారుణ్యంతో నాగుండె నిండిపోయింది అని పరమేశ్వరుని పాదముల మీద పడిపోయాడు.

శివుడు నీకు పాశుపతాస్త్రమును ఇస్తున్నాను మీకు ఎదురులేదు. రాబోయే కురుక్షేత్రంలో పాండవులు గెలిచి తీరుతారు. విజయీభవ! దీనితో పాటుగా శివలీలగా ఈ కిరాతార్జునీయం ఎక్కడ ఎవరు చెప్పుకున్నా, విన్నా, చదువుకుని బయలుదేరినా, శివదండకమును చదువుకుని బయలుదేరిన వారికి జటిలమయిన సమస్యలు తీరి కార్యసిద్ధి కలుగుగాక! నీకు ఏ విజయం కలుగుతుందో విన్న వారికి, చదివిన వారికి కూడా అటువంటి విజయము కలుగుగాక! అని ఆశీర్వచనం చేస్తాడు.