కాలభైరవాష్టకం ఎప్పుడు చదవాలి? ఫలశ్రుతి ఏమిటి?

దేవరాజ సేవ్యమాన పావనాంఘ్రి పంకజం
వ్యాళ యజ్ఞసూత్ర మిందు శేఖరం కృపాకరమ్ ।
నారదాది యోగిబృంద వందితం దిగంబరం
కాశికా పురాధినాథ కాలభైరవం భజే ॥ 1 ॥

భానుకోటి భాస్వరం భవబ్ధి తారకం పరం
నీలకంఠ మీప్సితార్ధ దాయకం త్రిలోచనమ్ ।
కాలకాలమంబుజాక్ష మక్షశూల మక్షరం
కాశికా పురాధినాథ కాలభైరవం భజే ॥ 2 ॥

శూల టంక పాశ దండ పాణి మాదికారణం
శ్యామకాయ మాదిదేవ మక్షరం నిరామయమ్ ।
భీమవిక్రమం ప్రభుం విచిత్ర తాండవ ప్రియం
కాశికా పురాధినాథ కాలభైరవం భజే ॥ 3 ॥

భుక్తి ముక్తి దాయకం ప్రశస్త చారు విగ్రహం
భక్త వత్సలం స్థితం సమస్త లోకవిగ్రహమ్ ।
నిక్వణన్ మనోజ్ఞ హేమ కింకిణీ లసత్కటిం
కాశికా పురాధినాథ కాలభైరవం భజే ॥ 4 ॥

ధర్మ సేతు పాలకం త్వధర్మమార్గ నాశకం
కర్మపాశ మోచకం సుశర్మ దాయకం విభుమ్ ।
స్వర్ణవర్ణ కేశపాశ శోభితాంగ మండలం
కాశికా పురాధినాథ కాలభైరవం భజే ॥ 5 ॥

రత్న పాదుకా ప్రభాభిరామ పాదయుగ్మకం
నిత్య మద్వితీయ మిష్ట దైవతం నిరంజనమ్ ।
మృత్యు దర్ప నాశనం కరాళ దంష్ట్ర భీషణం
కాశికా పురాధినాథ కాలభైరవం భజే ॥ 6 ॥

అట్టహాస భిన్న పద్మజాండ కోటి సంతతిం
దృష్టిపాత నష్టపాప జాల ముగ్ర నాశనమ్ ।
అష్టసిద్ధి దాయకం కపాల మాలికా ధరం
కాశికా పురాధినాథ కాలభైరవం భజే ॥ 7 ॥

భూత సంఘ నాయకం విశాల కీర్తి దాయకం
కాశివాసి లోక పుణ్యపాప శోధకం విభుమ్ ।
నీతిమార్గ కోవిదం పురాతనం జగత్ప్రభుమ్
కాశికా పురాధినాథ కాలభైరవం భజే ॥ 8 ॥

కాలభైర వాష్టకం పఠంతి యే మనోహరం
జ్ఞానముక్తి సాధకం విచిత్ర పుణ్య వర్ధనమ్ ।
శోక మోహ దైన్య లోభ కోప తాప నాశనం
తే ప్రయాంతి కాలభైరవాంఘ్రి సన్నిధిం ధ్రువమ్ ॥