గర్భరక్షాంబికా దేవి

పూర్వకాలంలో మల్లవనం (మల్లెల వనము) అనే ప్రాంతంలో గౌతమ, గార్గేయ మహర్షులు తపస్సును ఆచరించేవారు. ఈ మహర్షులను నిధ్రువ, వెదికాయి అనే దంపతులు సేవించేవారు. వారి సంతాన సమస్య గురించి మహర్షులకు చెప్పారు. అప్పుడు మహర్షులు వీరిని గర్భరక్షాంబికా దేవిని ప్రార్థించమని చెప్పారు. వీరు ఎంతో భక్తి శ్రద్ధలతో అమ్మవారిని ప్రార్థించగా, వెదికాయి గర్భాన్ని ధరించింది.

ఇలా ఉండగా, ఒక నాడు ఊర్ధ్వపాద మహర్షి వీరి ఇంటికి వచ్చారు. మహర్షి వెదికాయిని పిలిచారు. కానీ గర్భావస్థ వలన ఆవిడకు ఆయన మాటలు వినపడలేదు. అది గ్రహించని మహర్షి ఆవిడ గర్వముతో ప్రతి స్పందించలేదని తలచి గర్భస్రావం అవుతుందని శపించారు.

గర్భస్రావం అవుతుందన్న విషయాన్ని గ్రహించిన వెదికాయి ఎంతో దుఃఖము తో గర్భరక్షాంబికా దేవి ప్రార్థించింది. అప్పుడు ఆ దేవి, ప్రత్యక్షమై ఆ పిండమును కాపాడి ఒక కుండలో ఉంచింది. ఆ పిండము కుండలోనే తన అనుగ్రహం వలన మగ బిడ్డగా మారింది.

నైదురువన్ కు తల్లిపాలు లేవు అప్పుడు అమ్మవారిని ప్రార్థించగా ఆవిడ కామధేనువును పంపింది. ఆ కామదేనువు ఆలయం ముందే తన కాలితో భూమిని తవ్వింది. అప్పుడు ఒక పాల కుండ ఒకటి ఏర్పడింది. దానినే ఇప్పటికీ క్షీరకుండము అని పిలుస్తారు.

ఇప్పుడు ఆ మల్లవనం అన్న ప్రాంతానికే తిరుకరుకావుర్ అనే పేరు వచ్చింది. ఇప్పటికీ కూడా ఆ ప్రాంతంలో మల్లె తీగలు అల్లుకొని ఉండడం మనం గమనించవచ్చు.