శ్రీ రామ జననం

శ్రీ రామాయణం బాలకాండ సర్గ 18

నిర్వృత్తే తు క్రతౌ తస్మిన్హయమేధే మహాత్మన:.

ప్రతిగృహ్య సురా భాగాన్ప్రతిజగ్ముర్యథాగతమ్..1.18.1..

సమాప్తదీక్షానియమ: పత్నీగణసమన్విత:.

ప్రవివేశ పురీం రాజా సభృత్యబలవాహన:..1.18.2..2

యథార్హం పూజితాస్తేన రాజ్ఞా వై పృథివీశ్వరా:.

ముదితా: ప్రయయుర్దేశాన్ప్రణమ్య మునిపుఙ్గవమ్..1.18.3..

శ్రీమతాం గచ్ఛతాం తేషాం స్వపురాణి పురాత్తత:.

బలాని రాజ్ఞాం శుభ్రాణి ప్రహృష్టాని చకాశిరే..1.18.4..

గతేషు పృథివీశేషు రాజా దశరథస్తదా.

ప్రవివేశ పురీం శ్రీమాన్ పురస్కృత్య ద్విజోత్తమాన్..1.18.5..