ఉగాది పండుగ ఎలా జరుపుకోవాలి| ఉగాది పచ్చడి

ఉగాది పండుగ నే యుగాది అని కూడా అంటారు. అంటే యుగము ఆరంభమైన రోజు అని అర్థం. కలియుగం ఈ రోజే ప్రారంభం అయినటువంటి కారణం చేత ఉగాది లేక యుగాది అన్న పేరు వచ్చాయి అని పెద్దలు చెబుతూ ఉంటారు. అంతేకాదు ఉగ అంటే నక్షత్ర గమనము, ఆది అనగా ప్రారంభము. ఉగాదికే నక్షత్ర గమనం ప్రారంభమైన రోజు అని కూడా అర్థం.

చైత్ర శుద్ధ పాడ్యమి రోజునే మనం ఉగాదిగా జరుపుకుంటాం. ఉగాది పండుగ తెలుగు సంవత్సరంలోని మొదటి పండుగ. ఈరోజు నుండే తెలుగు సంవత్సరం ప్రారంభమవుతుంది.

ఉగాది 2025

స్వస్తి శ్రీ చాంద్రమాన శ్రీ విశ్వావసు నామ సంవత్సర చైత్ర శుద్ధ పాడ్యమి ఆదివారం అనగా తేది : 30.03.2025 న ఉదయం గం. 6.15 ని.లు నుండి గం. 11.15 ని.లు వరకు నూతన పంచాంగ శ్రవణం, ఇష్ట దైవ దర్శనం, పండితులు ఆశీస్సులు పొందుటకు, నూతన వస్త్రాలు ధరించుట, కొత్త పుస్తకాలు ప్రారంభమునకు పూజ కార్యక్రమాలు చేసుకొనుటకు శుభ ప్రదంగా ఉన్నది.

ఉగాది ఎలా చేయాలి

ఉగాది రోజున మనం నిర్వర్తించవలసిన కార్య క్రమాలు కూడా పెద్దలు నిర్ణయం చేసి ఉంచారు!

బ్రహ్మ ముహూర్తంలో లేవడం

ఉగాది రోజు తెల్లవారుజామునే బ్రహ్మ ముహూర్తంలో లేవాలి .అనగా సూర్యోదయానికి 88 నిమిషాలు కంటే ముందుగానే నిద్ర లేవాలి. ఈ సమయం ఉషా కాలం ఉండటం వలన మనసుకు, శరీరానికి శుభం కలిగించే సమయం. ఈ సమయంలో లేవడం, ఆధ్యాత్మికంగా, శాంతంగా ఉండేందుకు సహాయపడుతుంది.

అభ్యంగన స్నానం

ఉగాది రోజున శరీరానికి నువ్వుల నూనెను అలదుకొని తల స్నానం చేయడం శరీరానికి, మనస్సుకు శుభాన్ని తీసుకు వస్తుంది. పర్వదినములలో శరీరానికి నువ్వుల నూనెతో అలదుకొని తల స్నానం చేయడం అలక్ష్మి పరిహారమై ఆ లక్ష్మి దేవి అనుగ్రహం కలుగుతుంది.

సంప్రదాయ వస్త్రాలు ధరించడం

ఉగాది రోజు కొత్త వస్త్రాలు ధరించడం మన సమాజంలో ఒక మంచి మార్పును సూచిస్తుంది. కొత్త పట్టు చీర, పట్టు పట్టు కుర్తా లేదా చీరలో రావడం అనేది ఉగాది పండుగ యొక్క ప్రత్యేకత. ఈ రోజు కొత్త దుస్తులు ధరించడం శుభంకరమైన ప్రారంభానికి సంకేతం.

పూజ చేయడం

భగవంతునికి ప్రసాదమును నివేదన చేసుకొని పూజ చేయాలి.ఉగాది రోజున పూజ చేయడం అనేది మన కుటుంబానికి, మన జీవితానికి శుభకామనలను కోరుకునే సంప్రదాయం. పూజ చేస్తే మనం కొత్త సంవత్సరంలో శాంతి, సంపద, ఆరోగ్యం, జయాల కొరకు దేవుని ఆశీస్సులు పొందవచ్చు. పూజలో ఉగాది పచ్చడి కూడా ముఖ్యమైన భాగం

ఉగాది పచ్చడి తినడం

ఉగాది పచ్చడిని భగవంతునికి నివేదించి, ప్రసాదంగా తీసుకోవాలి. ఈరోజు ఉగాది పచ్చడిని తిన్న తరువాతే, ఇంకే పదార్థమైనా తినాలి. ఉగాది పచ్చడి అనేది ఉగాది పండుగకు ముఖ్యమైనది ఈ పచ్చడి మనిషికి జీవితంలోని అన్ని మధురాలు, కష్టాలు, నెగ్గులు అనుభూతి చెందుతాయన్న సంకేతం.

ఆలయానికి వెళ్లడం

ఉగాది రోజున ఆలయానికి వెళ్లడం చాలా ముఖ్యం. దేవుని ఆశీస్సులతో, ఆలయంలో సుదీర్ఘ ప్రార్థన చేసి, ఈ సంవత్సరం మన జీవితంలో శాంతి, సంపద, ఆరోగ్యాన్ని కోరుకోవడం. మీరు సమీపంలోని ఆది దేవాలయాలను సందర్శించి శుభ కాంక్షలు కోరండి.

పంచాంగం వినడం

ఉగాది పండుగ రోజున పంచాంగ శ్రవణం తప్పకుండా చేయాలి.. పంచాంగం వినడం వలన మనకు తదనుగుణమైన సమాచారం, గ్రహాల పరిస్థితి, శుభముహూర్తాలు తెలుసుకోవచ్చు. ఇది మనకు జీవితంలో ఉత్తమ మార్గదర్శకత్వాన్ని అందిస్తుంది.

ఉగాది పచ్చడిని ఎలా చేయాలని శాస్త్రం చెబుతోంది?

ఉగాది పచ్చడిని ఎలా చేయాలోకూడా మన శాస్త్రం చెబుతోంది.

యద్వర్షాదౌ నింబసుమం శర్కరామ్ల ఘ్రుతైర్యుతం|
భక్షితమ్ పూర్వయామేస్య తద్వర్షం సౌఖ్యదాయకం||

సూర్యోదయానికి ముందే వేపపువ్వు, చింతపండు, బెల్లం, ఆవు నెయ్యి, మామిడికాయ ముక్కల్ని కలిపి ఉగాది పచ్చడిగా చేయాలి. దీనిని భగవంతుడికి నివేదన చేసి, సూర్యోదయానికి ముందే ప్రసాదంగా స్వీకరించాలి. ఇలా ఎవరు చేస్తారో వారు ఆ సంవత్సరమంతా ఆరోగ్యంగా ఉంటారని పెద్దలు చెబుతారు.

ఉగాది పచ్చడిలో ప్రధానంగా ఉండవలసిన పదార్థములు ఏమిటంటే

నింబసుమం – వేపపువ్వు
శర్క – పంచదార లేదా బెల్లం
ఆమ్లీక – చింత పండు
ఘ్రుతైర్యుతం – అవునెయ్యి

చైత్ర మాసంలో ఎక్కువగా దొరుకుతాయి కాబట్టి మామిడి ముక్కలు కూడా ఉగాది పచ్చడి లో కలుపుతారు.

దీని యొక్క ప్రధానమైనటువంటి ఉద్ధేశ్యం భగవంతుని దయతో
మంచి ఆరోగ్యాన్ని పొందాలని, అందుకే వేప పువ్వుని ప్రసాదంతో కలిపి తినిపిస్తారు.

ఈ క్రింది శ్లోకం ఉగాది పచ్చడి సేవించే ముందు చదువుకుని స్వీకరించగలరు.

శతాయుర్వజ్రదేహాయ సర్వ సంపత్కరాయచ.
సర్వారిష్ట వినాశాయ నింబకదళ భక్షణమ్!

ఉగాది అనేది తెలుగు ప్రజలకి కొత్త సంవత్సరంలో మొదటి రోజు. ఈ రోజు, మనం ఈ పండుగను సంప్రదాయాలు, ఆచారాలు మరియు పూజా విధానాలు పాటిస్తూ ఆనందంగా జరుపుకోవాలి. మన జీవితంలో శాంతి, ఆరోగ్యం, సంపద మరియు సంతోషం పొందాలని కోరుకుంటూ ఉగాది పండుగను వైభవంగా జరుపుకుందాం

పుట్టిన రోజు ఎలా జరుపుకోవాలి అని శాస్త్రం చెబుతుందో మీకు తెలుసా?.