వరలక్ష్మి వ్రత విధానం

వరలక్ష్మీ వ్రతం ఏ విధంగా చేయాలి అనిన విషయం గురించి సాక్షాత్ పరమేశ్వరుడు ఆ  పార్వతీదేవికి వివరించారు.  వరలక్ష్మి వ్రతం రోజు తెల్లవారుజామునే లేచి తలస్నానము చేసుకొని శుభ్రమైన వస్త్రములను ధరించి, ఈశాన్యం మూలన గోమయంతో  అలిగి, మండపము ఒకటి ఏర్పాటు చేసి దానిపైన  కొత్త బియ్యమును  పోసి మర్రి  చిగుళ్లు  పంచపల్లవాలు లతో  (బిల్వ, తులసి, వేప, రావి, మామిడి ) కలశమును ఏర్పాటు చేసి, అందులోనికి వరలక్ష్మీ దేవిని ఆవాహన  చేసి,  మిక్కిలి భక్తి శ్రద్ధలతో  సాయంకాలమున

   శ్లో!!  ” పద్మాసనే పద్మకరే సర్వలోకైక పూజితే ! 

నారాయణ ప్రియే దేవి సుప్రీతా భవసర్వదా!!”  

శ్లోకము చెప్పి ధ్యాన  ఆవాహనాది షోడశోపచార ములతో అమ్మవారిని పూజించి,  తొమ్మిది సూత్రములు కలిగిన  తో రంబును వారి కుడిచేతికి కట్టుకోవాలి.

తోరము కట్టుకునేటప్పుడు చదవ వలసిన శ్లోకములు;

 శ్లో!!  బద్నామి దక్షిణే హస్తే నవసూత్రం శుభప్రదం 

పుత్రపౌత్రాభివృద్ధించ సౌభాగ్యం దేహిమే  రమే!!

 వరలక్ష్మీ దేవికి నైవేద్యాలను సమర్పించి  ఆ మంటపము చుట్టూ  మూడు ప్రదక్షిణలు చేయాలి .  ఈ వ్రతమును కల్పోక్త ముగా  చేయించిన బ్రాహ్మణులకు గంధ పుష్పాలతో పూజించి 12  రకాల పిండివంటలు కానీ,  ఏదైనా  పిండి వంటకం 12 సంఖ్యతో కానీ  ఇచ్చి దక్షిణ తాంబూలాదులను ఇచ్చి  నమస్కరించి ఆ బ్రాహ్మణుని ఆశీర్వాదమును పొందాలి.  ఆ వరలక్ష్మీదేవికి నివేదించిన నైవేద్యమును బంధుమిత్రుల తో కలసి భుజించి చాలి.  తరువాత ముత్తయిదువులకు చందన తాంబూలాలు ఇవ్వాలి.  

ఈ క్రింది శ్లోకాలు చెబుతూ తాంబూలము ఇవ్వవలెను.

శ్లో!! ఏవం సంపూజ్య కల్యాణీం వరలక్ష్మిo స్వశక్తితః
దాతవ్యం ద్వాదశాపూపం వాయనం హిద్విజాతయే!!

శ్లో!! ఇందిరా ప్రతిగృహ్ణతు ఇందిరావై దదాతిచ
ఇందిరా తారకో బాభ్యాం ఇందిరాయై నమోనమః !!

ఇలా వరలక్ష్మీ వ్రతాన్ని శాస్త్రోక్తముగా చేయాలి.

వరలక్ష్మీదేవి వ్రతం పూజా విధానం గురించి   వ్రతకల్పం గురించి  చాగంటి కోటేశ్వరరావు గారు  చాలా అద్భుతంగా ఈ క్రింద వీడియోలో వివరించారు.  ఈ సంవత్సరం వరలక్ష్మీ వ్రతాన్ని  గురువుగారు చెప్పిన విధంగా జరుపుకొని ఆ వరలక్ష్మి దేవి అనుగ్రహాన్ని మీరు మీ కుటుంబ సభ్యులు పొందుతారని భావిస్తున్నాము.